vendredi 18 mai 2007

dou3aa 5ir


يا ربّي يا ستار، يا خالق الليل والنهار، والتاكسي والكار، والناس المحترمة والناس اللّي عملت العار.
أنا المدوّن المعروف في بلاد المسفوف، حيث المحزوق والمرخوف والترهدين والخوف، بلاد الناس اللي تنفخت كيف الحلّوف، وديما تشكي من الظروف
جيتك يا ربي يا أحسن رب، ميّت بالتعب، نشكي من الكرب، وجوه الخشب، اللي ما يعجبهاش العجب، وما يـشبـّعهاش الذهب.يا ربي يا أقوى ربّ، راهو شيء يركّب العصب، الناس مرضت بالكلب، ما تسمع كان هب هب، جيتك يا ربي باش ندعي... على اللّي كان السبب

للي كان السبب واللي في بالي، هو اللي ما يرحمش الصغير والضعيف و الزوّالي، تموت الناس ويقول "وأنا مالي؟"، يعفـّس غيرو ويقول "أعمالي"، في بالو غيرو بوهالي، وهو أكبر بوهالي، ياكل كيف المنشار، ليل مع نهار، لا يشبع ولا يقول عملت العار، ولا تخطر في بالو أفكار، أنو باش يجيه نهار
(أنا نقول وإنتوما قولو ورايا "آمين" ، باهي؟)
يا ربي عرّيه في كلسون وعدّي عليه 500 كميون،يا ربّي إجبدلو عينيه ونحيلو دين والديه،يا ربي قصّلو صبع و شطر خشم، بتسترة وإلاّ بجلم، وأعورو بقلم، وقعّدو على "
البوتو" اللّي يعلّقو فيه العلم، وهبط عليه الهم، ولا تفرّحو بصغير ولا بوحم، وإحرمو من حاسة الشمّ، ولا ترحملو لا بو ولا جد ولا عمّ
يا رحمان يا رحيم، إفرشو كيف الكليم، وإلاّ أمسخ دين والديه بهيم، بجاه سيدنا موسى وعيسى وإبراهيم،
يا ربّي فتـفتـلو في ركايبو "
المينيسك" وهبّط عليه "الفيسك" وخلّي حياتو في "الرّيسك"،
جيتك بجاه سيدي بلحسن، لاتوكلو عسل ولا سمن، ولا تسمّعو فن، وقرطس بوه في كفن وإدفنو في كدس عفن
يا غفور يا رؤوف، مشّيه طروف طروف، كيف ما يمشي في العيد الخروف... أما قبلها أعميه خلّي يولّي مكفوف ونركحو فيه بالكفوف،
يا ربي عيّشو على الفول وإجعل ريحتو شايطة بالبول، وسيّب عليه وهو راقد 25 "
بيتبول
يا ربي كبّلو سعد والديه، وأصحابو وأحبابو وإمّاليه، راهو هذا الكلّ وشويّة فيه،
آمين يا رب العالمين
وآخر دعائي أن أستغفر الله لي ولكم والسلام عليكم ورحمة الله وبركاته

2 commentaires:

Anonyme a dit…

An impressive share! I have just forwarded this onto a friend who had been doing a little homework on this.

And he actually bought me lunch because I found it for him.
.. lol. So let me reword this.... Thanks for the meal!
! But yeah, thanx for spending time to talk about this matter here on your internet site.



Feel free to visit my web site; acheter followers twitter
Also see my webpage :: acheter followers

Anonyme a dit…

With havin so much content do you ever run into any problems of plagorism
or copyright violation? My blog has a lot of unique content I've either written myself or outsourced but it seems a lot of it is popping it up all over the web without my permission. Do you know any ways to help protect against content from being stolen? I'd really appreciate it.


My website; acheter des vue sur youtube